picnic My booking ⚙

Sab ka hissa,
sab ka plan.

picnic Karachi ke logon ke liye hai jo saath jana chahte hain, lekin paise ke chakkar mein plan tootta rehta hai.

Masla kya tha

Har group mein ek banda hota hai jo poora paisa apni jaib se bhar deta hai, phir teen hafte tak sab ko yaad dilata rehta hai. Screenshots, "kal doonga", aur aakhir mein wo khud 4,000 rupay ka nuqsan utha leta hai. Kuch trips is wajah se hoti hi nahi.

Humne kya banaya

picnic par koi ek banda poora paisa nahi bharta. Trip ki qeemat pehle se tay hoti hai, aur har banda apna hissa seedha apne phone se daalta hai. Koi account nahi banana parta - sirf naam, number aur paisa.

Poora paisa jama ho gaya to trip pakki. Na hua to har banday ka poora paisa apne aap wapas chala jata hai aur trip cancel ho jati hai. Koi darkhwast nahi, koi bahes nahi.

Kis cheez par samjhauta nahi

1

Poora paisa wapas

Trip na hui to har rupay wapas. Ye waada system mein likha hua hai, kisi ke faisle par nahi.

2

Safety pehle

Har banday ka emergency contact trip se pehle darj hota hai, aur har trip ka apna record rehta hai.

3

Qeemat saaf

Per banda qeemat pehle se likhi hoti hai, tax ke saath. Booking ke baad nahi badalti.

4

Zabardasti nahi

Kisi ko message bhejne se pehle organiser tasdeeq karta hai. Mana karne wale ko dobara message nahi jata.

Abhi kahan hain

Sirf Karachi. Beach huts, farmhouses aur ek din ke road trips. Ginti ke chand packages, har hafte chalte hain - taake har trip ko theek se sambhala ja sake.

Trips dekho Hum se baat karo